15 49.0138 8.38624 arrow 0 arrow 1 4000 1 0 horizontal https://popup.mk 300 true 4000
Документарецот „Медена земја“ го продолжува својот успешен пат со уште неколку награди и номинации на престижни филмски манифестации. Најнова во низата признанија е наградата за најдобар документарен филм за 2019 година што ја доделува Друштвото на њујоршки филмски критичари (New York Film Critics Circle (NYFCC)). Свеченото доделување на наградите ќе се одржи на гала вечер на 7 јануари 2020 во Њујорк.
Во рамките на придружната програма на фестивалот Синедејс се одржа промоција на оригинална книга - „Long play – zabeleske u vremenu“ на белградскиот фотограф и дизајнер Борислав Пешиќ Благоја. Книгата е фотомонографија, во која 333 музичари од регионот се застапени со по 4 фотографии или вкупно 1.332 фотографии.
Секоја година, некаде кон средината на октомври, во Амстердам се одржува петдневната конференција за електронска музика и фестивал Amsterdam Dance Event (ADE). Пет дена и ноќи Амстердам живее преплавен со електронска музика. Овој настан го организира The Amsterdam Dance Event Foundation и нуди целосна програма со дневни конференции во ADE Pro, ADE Tech, HDE, ADE University, ADE Next, ADE Beamlab и ADE Green, заедно со ноќниот ADE Festival.
Денеска (24 октомври) започнува Viennale, најпознатиот и со најдолга традиција на постоење меѓународен филмски фестивал во германско говорно подрачје. Концептот на обемната програма од 300 филмови што ќе бидат прикажани на фестивалот е тој да функционира како макроорганизам, во кој секој елемент е во дијалог со останатите, а неговата целосна слика и значење се препознава во секој од деталите поединечно.
Далеку од тоа дека резултатот од нашата посета на Кинотека го замисливме како долга, стерилна репортажа преплавена со термини од типот на „фондови“, „институција“, „министерство“, „буџет“. Сосема свесни дека овој трезор на македонската филмска историја е најдиректно поврзан со претходно наведениве, ние сепак отидовме во Кинотеката на Македонија да го опипаме животворниот пулс на македонскиот филм.
Приказната за Brotfabrik е долга 128 години и сè уште трае. Некогаш симболично даденото име Anker, котва што била втисната на секој продукт и претставувала лого на компанијата за производство на пекарски производи, се чини како да ја определило нејзината судбина.
Заврши снимањето на првиот краткометражен игран филм „Прашливи цвеќиња“ на Мирослав Илиќ. Филмот е во соработка со продукција MARSBEN и Факултетот за aудиовизуелни уметности ЕФТА. Филмот моментално е во постпродукција.
Сонце, плажа, бранови, згодни момчиња на борд во тајно ривалство, препуштени на милоста на океанот да ги исфрли од баланс пред очите на девојки, кои без да трепнат возбудено ги следат, делумно без здив, целосно заљубени... Сурфањето како супкултура посебно добива популарност во шеесетите години на минатиот век, кога со помош на филмската индустрија прераснува во сон на секој млад Американец.
Повеќе од 2.000 луѓе уживаа во фантастичното деветто издание на „Здраво млади“ во новопромовираниот МКЦ парк во саботата. Публиката можеше да ги слушне DJ Fitz, Аргентинците Mueran Humanos, најновата сензација на домашната сцена – ZeeBomb & Matej Foltz, Бразилката Dillon, Operators, Rib, Fujiya & Miyagi, Svemirko и Nipplepeople. На вториот стејџ можеше да се проследи акустичниот соло-настап на Scott McCloud, по кој следуваа диџејски сетови на Emily и Loshko. Во неколку точки ви раскажуваме по што ќе го паметиме ЗДРАВО МЛАДИ #9: