15 49.0138 8.38624 arrow 0 arrow 1 4000 1 0 horizontal https://popup.mk 300 true 4000
Летото е во полн ек, градот гори, а одморот ви се чини сè подалеку? Ова можеби звучи како реклама на туристичка агенција, но ние навистина мислиме дека ви е потребен еден урбан гурмански getaway за крајот на работната недела.
Темата на шестото издание на саемот на уметност Ин Ситу е „вкрстувања“. Вкрстувањето е точка на среќавање. Приватниот културен сектор претставен од страна на Ин Ситу и јавниот културен сектор претставен од страна Младинскиот културен центар, е фокусот на оваа година. По шест години синергија помеѓу организациите, тие одлучија да се потсетат на достигнувањата.
Интересот за PopUp Kitchen настанот под наслов „Петок после работа“ е голем :) Одѕивот за гастрономското задоволство измешано со звуците од диџејскиот пулт е оправдано висок, ако се има предвид вкусот на бургерите и квалитетот на музиката.
Авангардниот украинско-руски сликар Казимир Малевич е еден од пионерите на апстрактната уметност од почетокот на XX век. Започнувајќи од кубофутуризам, делата на Казимир Малевич успеваат да ги досегнат зачетоците на супрематизмот. Според Малевич, супрематизмот ја претставува надмоќта на чистото уметничко чувство. За супрематистите, визуелниот феномен на објективниот свет нема значење. Значајно е само чувството.
Дизајнерката Ирина Тошева ја претстави летната колекција „Eunoia“ преку артистички едиторијал со моќна порака. Во годината кога гласно се зборува за важноста на менталното здравје, есенцијалната улога на уметноста во емоционалната благосостојба на секоја индивидуа е инспирацијата за летната колекција. Новата модна приказна на дизајнерката е обоена во пастелни нијанси, лесни и плисирани материјали и лелеави кроеви, оживеана во сликарско ателје од моделката Фјола Брестовци, пред објективот на Александра Костадиновска. „Eunoia“ беше повод за овој наш разговор со Ирина.
Вечерва (19 јуни) со почеток од 20 часот, во Национална галерија на С.Македонија – МАЛА СТАНИЦА ќе биде отворена изложбата на фотографии со наслов „Портрет на градот” - дел од дипломскиот труд на Денис Јагџи, а воедно и негова прва самостојна изложба. Денис Јагџи е студент на додипломски студии, на катедрата по фотографија на Факултетот за аудиовизуелни уметности ЕФТА-Скопје, во класата на проф. м-р Роберт Јанкулоски и доцент м-р Елена Бојаџиева. 
Во Музејот на современата уметност – Скопје, на 12 јуни, во присуство на многубројни гости, беше отворена изложбата „Родови перцепции“ која Музејот ја организира во соработка со Британскиот совет.