15 49.0138 8.38624 arrow 0 arrow 1 4000 1 0 horizontal https://popup.mk 300 true 4000
Вечерва, со почеток од 20 часот во МКЦ почнува одбележување на јубилејот „50 години македонски анимиран филм“. Одбележувањето на јубилејот ќе опфати изложба на артефакти од „златното доба“ на македонскиот анимиран филм (1971-1991), како и изложба на артефакти од актуелните автори на анимиран филм кои ја сочинуваат сцената денес.
Екраните на дигиталните направи што ги користиме се единствениот начин на којшто (засега) имаме пристап во паралелниот универзум создаден од човекот – Интернетот. Нашите животи засекогаш се променија, од наједноставните задачи до начинот на којшто го перципираме светот.
На музичкиот блок што се одржува овој викенд во МКЦ настапува и фантастичниот соник/фанк/диско бенд „немања“ од Хрватска. Нивниот настап е закажан за утре (сабота, 6 ноември) во 21 часот. Младиот музичар Лука Шипетиќ од Пула е мастермајндот зад бендот со интересно име, а неговото музичко минато се поврзува и со бендовите „NLV“ и „Para Lele“. Нивните албуми „Tarot Funk“ и „Cosmic Disco“ претставуваат богат сплет од философија, светско музичко влијание и нови, енергични звуци. Со Лука разговаравме непосредно пред нивното пристигнување во Скопје.
Нејзиниот инстаграм профил и инстаграм профилот на магичната микро-пекарница Зрнце од ден на ден добиваат сè повеќе следбеници. Крајниот заклучок е дека не се работи само за храната, туку и за посебната вибрација што блогерката за храна Теа Трповска ја испраќа преку своите објави. Тоа беше доволен мотив за нас да поразговараме со неа, за нејзините планови во однос на фантастичните рецепти што ги пласира, но и за нејзиното семејство и Скопје.
Јубилејното дваесетто издание на OФФ-Фест ќе се одржи од 9 до 13 ноември и е сочинето од 5 концертни настапи и еден документарен филм. ОФФ-Фест 2021 ќе го отвори, на 9 ноември (вторник), извонредното португалско/шпанско дуо Lina_Raül Refree, коешто испорачува осовремено и надградено фадо, музика што ги надминува географските одредници. Извонредно моќна, возбудлива и оригинална музичка врска меѓу двајца неверојатни музичари.
Композиторот Брајс Деснер (Bryce Dessner) е музички сестран и активен човек но на еден тивок начин и со импресивно резиме кое оди и широко и длабоко. Деснер е ретка и агилна сила на полето на новата музика. Има освоено неколку Греми награди и како класичен композитор и со својот рок бенд The National. Ширината и нивото на неговиот опус се запрепастувачки.
Хешмат, Тамине, Џавад и Бахрам имаат задача да погубат луѓе што се осудени на смртна казна во Иран. Четири карактери што различно се соочуваат со психолошката битка да убијат човек, неизбежна постапка што ќе ја одреди нивната иднина во државата...
Создавањето накит е специфична форма на уметност, а како и секоја уметност, тоа е говор преведен во конечен производ, во кој уметникот го става целиот свој умствен и емоционален хабитус. На тој начин и Ксенија Котев го дизајнира својот уникатен накит, со кој се претставува како во земјата, така и надвор од неа.