Времетраење: 12 јули – 10 септември 2023 година
Прием: среда, 12 јули, 20 часот
Галеријата „Пионири“ има чест да ја претстави третата самостојна изложба на Зулејха Зубери Али, создадена во последните четири месеци.
Зулејха Зубери Али дипломирала на „Факултетот за ликовни уметности“ во Скопје, и учествувала на повеќе групни и самостојни изложби во Македонија и надвор. Нејзините слоевити монохроматски слики ги отсликуваат боите и амбиентот на куќите во Прованса, кои се растегнуваат од сиво сини врати до подови со боја на керамида и светло зелени прозорци. Повеќеслоевитоста и минималистичката повторлива текстура имаат за цел да ја покажат медитативната сила на летниот одмор и новата енергија која ја буди во нас. Зулејха посочува на важноста да си дозволиме момент на радост и време за одмор и во секојдневниот живот. Во мирните слики на Зулејха, радоста на живеењето надвор од градовите, раскажана низ палетата на Прованса, е начин да се побегне од секојдневната рутина на живеење.
Нејзината трета самостојна изложба е поддржана од Министерството за култура на РС Македонија и галеријата „Пионери“.
