Драги наши, на наше големо задоволство, Луфтанза ја завршуваат својата турнеја со интимен концерт во @koturkafeifilm, на 05.04 од 21:00 часот. За загревање ќе ги слушаме Харакири.
Поради ограничениот капацитет во продажба се само 80 билети по цена од 300 денари, кои можете да ги набавите во Кафе и филм „Котур“.
Луфтанза се млад македонски бенд со експериментален и агресивен дух, кој спојувајќи ја својата гласност, лутина, љубов и агресија контрираат на жанровските определби, еднодимензионалоста и конформизмот на фабричката еднолична музика. Шест испотени другари кои свират и напорно работат во својата неклиматизирана гаража од почетокот на пандемијата, со 4 албуми под своето име, се спремни да ви ги искорнат ушите.
Луфтанза се: Виктор Стојановски (тапани), Раде Биковски (бас), Мартин Џорлев (вокал и гитара), Андреј Димовски (гитара и вокал), Иво Николовски (гитара, синт и понекогаш вокал) и Лука Јовановски (гитара и вокал).
Концертот е поддржан од @zlatendab
