„Допирна Точка“ е колектив од млади креативци и љубители на културата и уметноста во Македонија коишто сакаат да им овозможат прилика и платформа за изразување на уметниците, преку споделување на нивните уметнички дела на културните манифестации кои ги оддржува ,,Допирна точка”. Па токму од таа појдовна точка, оваа платформа служи за поддржување и негување на сите уметници, креативни умови и љубители на уметноста.
Целта на ,,Допирна точка” е да ги опфати делата од македонската музичка уметност, кинематографија, поезија, проза, ликовна уметност, фотографија, мода и моден дизајн, каде што тематската содржина ќе биде различна на секој настан, а преку тоа, ќе се овозможи креативно ,,катче” за колективно воздигнување на уметниците од Македонија.
Можноста за претставување на делата на уметниците кои сакаат своите идеи и креации да ги прикажат на ,,катчињата” на ,,Допирна точка”, се овозможува преку јавните конкурси за пријавување.
Конкурсите се поделени на четири дела:
– Музичка уметност
– Ликовна Уметност / Фотографија
– Кинематофрафија
– Мода и Моден Дизајн
Конкурсите и настаните на ,,Допирна точка” се поврзани со конкретно одредена тема, којашто се менува на секој нов повик за конкурс. Преку тоа, целта и желбата на колективот е да ја поттикне креативноста и имагинацијата за творење на уметниците и креативците од Македонија. Првата тема којашто беше во складот за креирање, беше под името на ,,Фантазија”.
Колективот на ,,Допирна точка” најави и втор настан кој ќе биде под тематската содржина на ,,Еуфорија”, што претставува продолжеток на идејата зад која творат. Вториот настан на ,,Допирна точка” ќе се оддржува на 1-ви јуни, со почеток од 19:00 часот во Groovelyn.
,,Допирна точка” ве очекува на колективно негување и возвишување на културата и уметноста во Македонија.
