На 26 ноември (петок од 17 до 21 часот) во PrivatePrint ќе се одржи SKIP AD - промоција на книга и отворање на изложба на Ѓорѓи Десподов. Изложбата од 29 ноември до 10 декември 2021 г. ќе може да се погледне секој работен ден од 12 до 18 часот
Вечерва, со почеток од 20 часот во МКЦ почнува одбележување на јубилејот „50 години македонски анимиран филм“. Одбележувањето на јубилејот ќе опфати изложба на артефакти од „златното доба“ на македонскиот анимиран филм (1971-1991), како и изложба на артефакти од актуелните автори на анимиран филм кои ја сочинуваат сцената денес.
Јубилејното дваесетто издание на OФФ-Фест ќе се одржи од 9 до 13 ноември и е сочинето од 5 концертни настапи и еден документарен филм. ОФФ-Фест 2021 ќе го отвори, на 9 ноември (вторник), извонредното португалско/шпанско дуо Lina_Raül Refree, коешто испорачува осовремено и надградено фадо, музика што ги надминува географските одредници. Извонредно моќна, возбудлива и оригинална музичка врска меѓу двајца неверојатни музичари.
Вечерва, со почеток од 20 часот во МКЦ (Галерија 2, горно фоаје) ќе се отвори „Ѕиркачот“ - изложба на Стефан Божиновски. Отворањето ќе биде проследено со краток перформанс.
Годинешниот 40. Скопски џез фестивал ќе се одржи од 20-24 октомври. И покрај евидентните предизвици, поради бројните ограничувања што ги донесе кризата со корона-вирусот, подготовката на програмата го имаше императивот за сочувување на високиот интернационален карактер на фестивалот и традицијата тој да го нуди најдоброто од џезот и импровизираната музика. Единаесет познати изведувачки имиња од САД, Куба, Европа и Македонија ќе одржат концерти во живо во салите на Националната опера и балет и Младинскиот културен центар.
Издавачката куќа „Антолог“ од Скопје го отвори седмото издание на Фестивалот на европската литература „BookStar“ / „Книжевни ѕвезди“. Фестивалот трае од 12 до 15 октомври 2021 година. Под слоганот „GENRESIS“, годинава пред македонската публика ќе бидат претставени дури осум европски и еден домашен автор. Сите автори ќе бидат лично присутни во Скопје. Наградата „BookStar 2021“ ќе му биде доделена на Миодраг Мајиќ од Србија.
Вечерва, со почеток од 18 часот во МКЦ ќе започне роденденската прослава по повод 30 години постоење на независното радио „Канал 103“.
На 18 септември 2021, во дворот на Кинотека на С. Македонија, со почеток во 19 часот ќе започне седмото издание на Филмскиот фестивал за музички документарни филмови Скопје синема сити.
На 9 септември (четврток) со почеток од 19.30, во МКЦ ќе биде отворена изложбата „стадо“ на Давид Ристевски и Ања Калин. Ова фотографско-дизајнерско дуо веќе извесен период плени со својата креативност и иновативност (Давид со Dreadpen, а Ања со уникатниот фотографски стил), па овој потег на нивен уметнички blending преку заедничка изложба му доаѓа како нешто сосема природно, бидејќи во процесот секој си го зачувува својот личен уметнички простор. Давајќи ѝ уникатност на целината наречена „стадо“, Ања и Давид успеваат да си ја зачуваат и онаа посебната, лична уникатност.