Денес излезе и последната епизода од втората сезона на Yellowjackets и фановите на оваа серија сметаат дека сега веќе има доволно материјал за и остатокот од светот да се придружи на еуфоријата која ќе се создава од сега па сѐ до излегувањето на првата епизода од третата сезона. Што ќе биде којзнае кога!
Во серијата паралелно го гледаме развојот на дејството додека младите девојки се трудат да преживеат во дивината, и нивните животи во „сегашноста“, односно 25 години подоцна. Низ првите две сезони гледаме како нивните инстинкти за преживување се борат да излезат на површина во бруталната канадска зима, додека во сегашноста гледаме како нивните возрасни верзии се борат да ги потиснат сите инстинкти кои дивината ги разбудила во нив пред сите тие години.
