Темите кои се провлекуваат низ песните од нивниот прв албум се извлечени од непосредната околина: изумирањето на малите места, белата чума, губењето на сопствениот идентитет на тие што одлучиле да останат и начинот како еден црвенокрвен поединец може да се справи со сето тоа – да создаде нешто каде што ништо нема, да го зачува она со кое тој се идентификува и да ископа почит од себеси за тие што одлучиле поинаку. Иронијата на губење на идентитетот е амплифицирана од користење на англискиот јазик во песните, кој луѓето кон кои е насочена музиката секако го разбираат.
Членовите на бендот се: Анастасија Трајковска (вокал), Ева Тодоровска (вокал, пратечки вокал, гитара, бас), Мартин Петковски (гитара, клавијатури, вокал) и Илија Волчески (саксофон).
Работата на албумот започнала во јули 2014, кога ја напишале песната „Rites“, а снимен е во периодот од март до август 2023 година. На него гостуваат и Сантиаго Васкез од Колумбија на класична гитара и Малфрид Вигдал на контрабас и синтисајзери.
Слушнете го нивниот албум на YouTube или Spotify и следете ги на нивниот Инстаграм профил!
