Ги начекавме во МКЦ каде што активно течат подготовките за нивниот повеќечасовен настан „One nation under a groove“ кој ќе се одржи на 27 декември во МКЦ. Ни рекоа дека настанот е замислен како општ хепенинг во холот и денсинг салата, на кој ќе учествуваат сите оние коишто изминатава година со нив го делеа нивниот раст и појава во градот. Ги прашавме за детали околу настанот и еве го најважното што треба да го знаете:
Кога?
Вратите се отвораат во 20 часот, а од 21 часот фокусот се префрла во денсинг салата и трае до затворање на вратите на МКЦ (3 часот по полноќ).
Кого ќе слушаме?
Музичкиот дел ќе се состои од настапи на диџеи од колективите Скопски Грув, Oubli, Pirka.avh (TeboNegett) и Тектум кои ќе се претстават со свои музички сетови што ќе опфатат многу различни стилови кои се карактеристични за овие изведувачи. Целата програма е замислена со чести и динамични промени и е составена од „два дела”. Еве лајн-ап:
21:00 – 21:45 Скопски Грув
21:45 – 22:30 Oubli
22:30 – 23:15 TeboNegett
23:15 – 00:00 Тектум
00:00 – 00:45 Скопски Грув
00:45 – 01:30 Oubli
01:30 – 02:15 TeboNegett
02:15 – 03:00 Тектум
Што ќе се случува во денсинг салата?
Денсинг салата ќе биде претставена во различно и креативно издание за да се долови специфичноста на самиот настан. Ќе бидат поставени проекции кои ќе го доловат функционирањето на колективите како една целина во градот, додека останатиот дел од поставката во салата ќе се менува соодветно на колективот кој настапува. Визуелно целиот настан ќе биде покриен од страна на Pirka.avh.
A во холот…
Ќе бидат изложени неколку дела изработени од графити артисти кои оваа година учествуваа на нивните настани, презентирани на специфичен начин за да ја доловат убавината на оваа креативна урбана уметност. Покрај изработените графити, во холот ќе биде изложен и промотивен материјал од нивна страна. Учество ќе земат: Sense, Shook, Darkstar, Miks, Terk.
Го прават ова затоа што…
Се поттикнати од желбата за интеграција на младите артисти од полето на музиката и уметноста во нашето општество. Овој настан ја сумира нивната работа од изминатиот период во соработка со дел од останатите групи и поединци со кои ја делат истата цел и визија.
И за малку ќе го заборавевме најважното 🙂
Билетите може да се набават на билетарата на МКЦ и онлајн на www.bileti.mkc.mk
Скопски Грув ве чекаат на фантастична роденденска журка на 27 Декември во МКЦ од 20 часот! Се гледаме таму!
