Право на учество на хакатонот имаат сите млади лица од 18 до 35 години кои ќе се пријават во ТИМ ( од три лица) и ќе имаат можност да освојат парична награда од 500 евра и многу други пропратни награди. Развивањето на концепт за имерзивно раскажување за културното наследство бара поседување на различни вештини. Идеалниот тим би се состоел од (но, не задолжително):
Љубител на историјата, археологијата, римското културно наследство;
Креативец, дизајнер, илустратор или аниматор;
Раскажувач, креатор на приказни и сценарија.
„Ги покануваме сите креативци и љубители на културата, заинтересирани да креираат концепт за нови културни доживувања со користење на новите технологии, кои ќе бидат дел од првата мобилна апликација Immersium, наменета за трите познати археолошки локалитети: „Стоби“, Македонија, „Емона“, Словенија, „Виминациум“, Србија“, објавија организаторите.
Пријавете го Вашиот тим на следниов линк: https://bit.ly/3t7GpTe, најдоцна до 31.03.2022 година.
Секој член на тимот треба да носи и користи сопствен лап топ/таблет.
Сите останати технички и логистички алатки ќе бидат на располагање за учесниците на настанот од страна на организаторот.
Искусни ментори од културата и креативниот сектор, ќе работат со Вашиот тим и ќе ви помогнат да го креирате вашиот концепт – решение за ново културно доживување достапно на мобилната апликација за трите локалитети како self- guided mobile tour за посетителите.
