PopUp Pets: Вера

Јас сум Вера. Родена сум на улица. Пред три години ме удри кола, но две девојки од Daisy Family Rescue ме најдоа и не ме оставија.
 

 
Ми помогнаа, ме лекуваа и имаа верба во мене дека ќе оздравам. Затоа и се викам така 🙂
 

 
Нема да се правам скромна, навистина сум слатка и мила, премногу сакам да се дружам со луѓе, но и други кученца. Од активности најмногу сакам да јадам, шетам во парк и во кафичи.
 

 
Каде и да одам се вртат по мене, но за жал сè уште немам дом и сум во потрага по семејство што ќе ме сака.
 

 
Прекарот ми е Вера Loco, а баш се прашувам зошто, кога сум многу умна.
 

 
Девојките имаат уште многу кученца како мене кои ги спасиле и на кои им бараат дом. Не можат, сами се, па затоа им е потребна помош. За да соберат средства за ветеринар, продаваат рачно изработени производи, како марами за кученца, платнени торби, приврзоци и што уште не. Заследете ги на @daisyfamilyrescue или доколку сакате да ги поддржите, можете да станете нивен патреон и би донирале одредена сума по ваша желба секој месец на овој линк.
Со љубов, Вера
 

Ако не можат да ја раскажат, тоа не значи дека животните немаат своја приказна. Рубриката PopUp Pets им дава глас и персоналитет на милениците и упатува апел против сè позачестените случаи на малтретирање и брутално убивање животни во нашата земја. Како што вели Алан Милн, „Некои луѓе зборуваат со животните. Ретки се тие што ги слушаат животните. Тука е проблемот.“