Продолжуваме таму каде што застанавме. А да бидеме искрени, воопшто не сме застанале. Изминатиов период, PopUp Music присуствуваше на најкул настаните во градот и земјава! Ги примивме најсилните вибрации од стотици убави фаци кои се отворени и желни само добро да се забавуваат и да се поврзат со други, слични на нив – отворени и слободни луѓе 🙂
Продолжуваме со истото темпо. Во петок, 21 септември, во Vinyl ви ги носиме ѕвездите на хрватската електронска сцена од светски калибар – house дуото PEZNT. Blacksoul и Mark de Line со својата музика веќе ја освојуваат и светската музичка сцена, преку изданија за прочуените светски house дискографски куќи – Defected Records, Strictly Rhythm и dirtybird, а од неодамна и за Universal Music. Во мај годинава, челникот на лондонската дискографска куќа Defected Records ја претстави нивната трака „Тoxic Love“ (Down Under EP) во емисијата Defected Radio Show. Се покажа дека токму вокалната соработка со Gregers за оваа трака е полн погодок, бидејќи „Тoxic Love“ за многу кратко време ги освои симпатиите на диџеите низ целиот свет.
Инаку, со своите синглови PEZNT дојдоа до врвот на разните Traxsource и Beatport топ-листи, а со диџеј сетовите ги разиграа фановите на многу фестивалски и клупски подиуми, вклучувајќи ги и Defected Croatia festival и престижниот Amsterdam Dance Event. Се чини дека PEZNT доаѓаат во Скопје баш во моментите кога се најблиску до врвот на светската електронска сцена. Ве очекуваме во Vinyl, овој петок, oд 22 часот.
