Моментално посетувам академија за графички дизајн што навистина ми прави огромно задоволство и љубов спрема дизајнот и уметноста. Отсекогаш знаев дека во животот сакам да се занимавам со уметност, па сметам дека академијата која ја посетувам ми створи голема желба да се насочам кон графичкиот дизајн. Од мала се занимавам и со музика и не би можела да си го замислам животот без неа. Посетував часови по солфеж и пијано, и бев дел од хорско студио предводено од страна на Запро Запров. Исто така, неодамна снимивме две песни заедно со моите момци Dope Kukjata, со кои имав чест и можност да настапувам на еден од настаните на Град Скопје, Култура за време на корона.
Место на кое би се преселила без да ми трепне око:
Веројатно би живеела во Берлин или Барселона, градови кои стварно ми беа љубов на прв поглед и каде едноставно премногу се пронаоѓам. Во Барселона имав прилика да живеам еден месец, градот е многу жив, луѓето беа прекрасни и самиот момент што има плажи и убави лета многу ме привлече што дури не сакав да се вратам дома. Берлин од друга страна, сум го посетила повеќе пати како помала, но кога отидов пред неколку месеци, едноставно ме фасцинираше. Луѓето си се свои, секој си го живее својот живот без да гледа во другиот. Културата и уметноста во Берлин се amazing, како и развиената музичка сцена и моментот дека има место за секој да може да се пронајде. Така да, уште пред да се вратам дома знаев дека морам некогаш да најдам прилика да се преселам таму.
Може ли да ја ѕирнеме твојата bucket листа? 😊
Во периодот на изолација научив дека:
Оваа ситуација за секого е тешка и несекојдневна, но сите треба да се трудиме to make most of it. Во овој период на изолација, си најдов време за себе пред сè, си најдов време за активности кои во нормална ситуација не би имала толку време да си ги направам. Научив дека треба да ги вреднуваме многу повеќе работите кои ги имаме и да уживаме во нив, пример луѓето кои ги сакаме и нè прават среќни, или едноставно слободата што ја имаме. Ми фалат оние работи кои ми беа секојдневие, како што би рекла Саре: I miss kissing my friends’ faces.
Кога ќе се вратиме на „нормален“ начин на живот, првите три нешта што ќе ги направам се :
I will kiss my friends faces! Секако едвај чекам да излезам на дружба/журка или да отпатувам негде.
Фејсбук, Твитер, Инстаграм или ТикТок?
Инстаграм дефинитивно. Навикната сум да комуницирам на Инстаграм, а и си објавувам фотографии па некако и најлесно ми е . Си следам тоа што ми се допаѓа и секогаш ми е извор за креативност и нови идеи.
Места во Скопје на кои правам reset и recharge се…
Се додека ми е со правите луѓе, recharge можам да направам и на обична клупа во маало. Убаво ми е кога сум во природа, па за reset си ги сакам и парк, Водно и Матка.
На Скопје му недостига:
На ова прашање потполно ќе се согласам со моето муце, Бојан Матејин. Му фали љубов на Скопјенце. Му фали луѓето да се сакаат повеќе меѓусебно, да се почитуваат и поддржуваат наместо да си судат без да се познаваат.
Kоја superpower би сакалa да ја поседуваш?
Би сакала да можам да сум невидлива за да можам да ги запознавам луѓето поубаво, во различни изданија и moods, како и кога никој не ги гледа. Или можеби time travel.
Најсреќна ме прави…
Најсреќна сум кога луѓето што ги сакам се СРЕЌНИ и успешни. Дали се тоа моите родители, брат ми или луѓето во мојот потесен круг. Среќна сум и кога ќе имам продуктивен ден полн со активности.
Во последно време на мојата плејлиста можеш да ги најдеш песните:
Слушам многу различни артисти и жанрови, а и најчесто цели албуми ги преслушувам. Во моментов слушам Tyler the creator, Brockhampton, Mac Miller, Dope Kukjata се разбира, но си сакам и електронска музика.
Би ги избрала:
Mick Jenkins – “Carefree” Black Boy
Mac Miller – Woods
I THINK · Tyler, The Creator
BLEACH · BROCKHAMPTON
Skepta – ‘Love Me Not’ ft. Cheb Rabi & B Live
Bonus track од мене. Сакам сите што ме читаа на PopUp денеска да го слушнат ова парче:
(Текстот не е лекториран со цел да се задржи неговата автентичност)
