Се разбира, натпреварот годинава е чист одраз на предизвиците на времето во кое живееме, во прв план влијанието на пандемијата врз градскиот живот и архитектура. Круната ја понесе Лиу Џингао со фотографијата на која може да се види како изгледа еден празник поминат надвор за време на пандемијата во Кина. Истовремено, оваа фотографија е победник и во категоријата Чувство за место.
Победникот на натпреварот се избира помеѓу фотографии пријавени во неколку категории: Екстериер, Ентериер, Чувство за место, Згради во употреба, Мобилни фотографии (темата годинава беше Зазеленување на градот), и Портфолио (темата беше Објекти со историја).
Победник во категоријата Портфолио (Објекти со историја) е Ни Деји со фотографијата на железничката станица Кашинг.
Победник во мобилната категорија е Чен Гуанхонг со неговата фотографија на Градините во Гети Лос Анџелес.
Оваа интернационална награда што постепено добива замав и голема популарност од своето основање во 2012 година може да се пофали со исклучителната разноликост и шаренило во темите и мотивите. На натпреварот пристигнале 2000 фотографии од 42 земји, а жирито составено од реномирани фотографи и архитекти имало навистина тешка задача.
Победниците во другите категории се:
Екстериер: Кевин Сијуан
Ентериер: Тан Чиао
Објекти во употреба: Крис Провуст
