МКЦ Шизи 2 со Xzibit, Eskei83, Frenkie, Problem…

Второто издание на МКЦ Шизи фестивалот, ќе го одбележи едно од најголемите имиња од hip-hop културата кои ја посетиле Македонија. На наше огромно задоволство, за прв пат ќе имаме можност во живо да го гледаме и слушаме, мулти-талентираниот Xzibit. Се работи за еден од највлијателните рапери од западната школа чија приказна опфаќа успешни проекти на повеќе полиња како музика, филм и шоу бизнис. Љубовта кон пишување текстови му се родила на 14 годишна возраст, а првото појавување на песна му е во 1995 година (“Hit and Run”) како гостин на Tha Alkaholiks. Истата година потпишува договор со Loud Records, за кои една година подоцна го издава деби албумот At the Speed of Life. Досега има објавено 8 студиски албуми, на кои соработувал со Snoop Dogg, Dr Dre, Eminem, Tha Alkaholiks, Ras Kass, Method Man, Eric Sermon, KRS-One, Nate Dogg, M.O.P, Busta Rhymes, The Game, Kurupt, Too Short, Prodigy (Mobb Deep), Wiz Khalifa, E-40 и многу други.

Огромна заслуга за вртоглавиот успех на Xzibit, има реалното шоу Pimp My Ride, кое се емитуваше на музичкиот канал MTV во периодот од 2003 до 2007 година. Од 2012 година, сериозно се посветува на актерската кариера (досега има забележано 19 улоги во филмови и серии). Најпрво добива улога во серијата Seal Team Six: The Raid on Osama Bin Laden, а се појави и во три епизоди од серијата Hawaii Five-O. Негов најголем успех во последно време е улогата на ликот Shyne, во хит-серијата Empire која ја доби во 2016 година, улога која ја игра до денес.

За Eskei83 се вели дека е Dj кој поседува се`. Беспрекорни технички способности, истенчен слух за желбите на публиката, како и талент за продуцирање музика на која ретко кој може да остане рамнодушен. Eskei83 е повеќекратен светски dj шампион, 8 пати бил победник на Dj Battle натпреварувања, а е запаметен како првиот германски dj кој победил на Red Bull 3Style шампионатот. Неговите сетови се во отворен формат со класичен hip-hop став, на кои многу често можеме да слушнеме траки од неговата продукција. Овој германски виртуоз со 6 милиони прегледи на Spotify, својата работа ја сфаќа премногу сериозно, а во тоа ќе има можност да се увери и скопската публика, на 22ри октомври во Младинскиот Културен Центар.

Директно од Compton, како дел од придружбата на XZIBIT за оваа турнеја, за прв пат на Балканот доаѓа Problem! Тој е еден од најпотценетите артисти на западниот брег последната декада. Кариерата ја почнува во 2008, како ghostwriter за различни артисти. На почетокот на кариерата соработува со west coast легенди како Snoop Dogg, Daz и Kurupt. Откако се естаблира на сцената, тој постојано работи со актуелни артисти од хип-хоп сцената, меѓу кои: Kendrick Lamar, The Game, Wiz Khalifa, Nipsey Hussle, Pharrell Williams, а негов најголем хит е песната “Like Whaaat”, која постигнува и голем комерцијален успех. Во досегашната кариера има извадено 19 микстејпи, а во 2016 направи химна за NFL тимот Los Angeles Rams, со што си го зацементира статусот во LA.

Директно од Compton, како дел од придружбата на XZIBIT за оваа турнеја, за прв пат на Балканот доаѓа Problem! Тој е еден од најпотценетите артисти на западниот брег последната декада. Кариерата ја почнува во 2008, како ghostwriter за различни артисти. На почетокот на кариерата соработува со west coast легенди како Snoop Dogg, Daz и Kurupt. Откако се естаблира на сцената, тој постојано работи со актуелни артисти од хип-хоп сцената, меѓу кои: Kendrick Lamar, The Game, Wiz Khalifa, Nipsey Hussle, Pharrell Williams, а негов најголем хит е песната “Like Whaaat”, која постигнува и голем комерцијален успех. Во досегашната кариера има извадено 19 микстејпи, а во 2016 направи химна за NFL тимот Los Angeles Rams, со што си го зацементира статусот во LA.
За крај, неколку линкови за да бидете во тек со новостите околу настанот преку Фејсбук, кај Sure Shotz дома на Фејсбук и кај Sure Shotz дома на Инстаграм 🙂