Веќе на почетокот на јуни, „Метеори“ се искачи на музичките топ листи, станувајќи воедно и песна на неделата на хрватскиот влијателен портал muzika.hr. Утре, 17 Јуни, Funk Shui ќе настапи и на Athens Music Week со нова изведба од неколку стари и нови песни.
Интернационалната конференција и фестивал „Athens Music Week“ се одржува од 16 до 21 јуни 2020 и ја нуди можноста да се откријат извонредни нови уметници од цела Европа, како и да се слушне широк спектар музика, од електроника до world music, хипхоп, рок, поп, џез… Комбинирајќи физички и дигитални настани, „Athens Music Week“ претставува фузиjа од панел дискусии, вебинари и музички презентации кои ја нудат можноста за средби со музички професионалци и уметници од цела Eвропа со настани и сесии што се стримаат во живо.
Меѓу другото, oколу нивните актуелни случувањa и во очекување на новиот материјал, од Funk Shui велат:
По периодот кој наложи потреба за слобода во медиумскиот етер, имајќи ја во обsир сериозноста на новораширениот вирус, конечно, етерот и ние сме спремни да ги споделиме нашите лични искуства од периодот од последните две години.
Со тоа сакаме да им понудиме свежина на нашите досегашни, а воедно и идни слушатели, музи и оние кои ја споделуваат страста за музика, ум и чекорите напред.
