АDE e всушност водечка конференција и фестивал за цел спектар електронски суб-жанрови, со повеќе од 1.000 настани распространети низ речиси 200 локации. ADE конференциите опфаќаат современа бизнис и инспирациска платформа на полето на електронската музика и вклучуваат програма за бизнис-професионалци, стартапи, продуценти и музичари во подем, студенти, виџеи, визуелни артисти и стејџ дизајнери. Годинава на конференцијата беа присутни 600 говорници и 9.000 претставници од електронската музичка индустрија од целиот светот.
Од друга страна, фестивалската програма вклучи 2.500 изведувачи, кои настапија во најдобрите ноќни локали и музички простори низ Амстердам. Годинава фестивалот привлече 400.000 посетители од рекордни 146 земји. Овие податоци му го доделуваат статусот на најголем светски клупски фестивал. Дневната програма на ADE изобилува со забава, активности и голем број изненадувања за легиите фанови на електронска музика што доаѓаат во Амстердам.
Дневната програма е претежно бесплатна за следење и вклучува многу изложби, филмови, документарци, диџејски сетови, мастер-класови, студиски сесии и MusicTalks низ петте главни дистрикти на Амстердам, притоа користејќи ги историските локации и уникатните локали низ целиот град.
Се потрудивме да доловиме дел од атмосферата на Amsterdam Dance Event 2019 преку фотографии и видео 😊
фото и видео: Елена Фиданска
