- Фитнесот не е за секого, и тоа е во ред. Исто како и со другите работи во животот, со фитнесот мора да си „кликнеш“ односно твојот темперамент да одговара на спортот.
- Разликата меѓу оние што вежбаат и имаат резултати и оние што се откажуваат, не е во мотивацијата туку во дисциплината.
- Времето ти е пријател: за да сфатиш каков тип е твоето тело, што му одговара, а што не, кои вежби да ги практикуваш, кои да ги отфрлиш, и секако – за да постигнеш видливи резултати.
- Физичките промени не се клучни. Потребно е почувствуваш придобивки тука (*покажува во главата) и тука (*покажува на срцето), дури потоа the rest will follow.
- Храната е клучна. Консултирај се со професионалец или истражи на интернет од веродостојни извори.
- You are going to suffer FOREVER, and you are going to like it!
- Луѓето што вежбаат со тебе не ти се пријатели, тоа се луѓе што случајно се нашле таму. Остани фокусиран.
- Фитнесот е спорт во кој сам себеси си најголем предизвик (и непријател). Секој ден се победуваш себеси.
- Затоа, наградувај се за успехот – споделувај прогрес на СМ доколку чувствуваш потреба од тоа. Не дозволувај малициозните коментари да те гаслајтаат.
- Голем дел од времето, луѓето што не вежбаат, ќе те прогласуваат за опседнат со вежбање. Не грижи се, секогаш е така кога некој со страст зборува за нештата што ги сака.
- Понеделник попладне е најлош ден во теретана!
- Внимавај на повреди и води сметка вежбите да ги извршуваш правилно и целосно концентрирано!
- Облекувај се соодветно!
- Деновите за одмор се еднакво важни како и активните денови. Слушај си го телото.
- Твојот социјален живот може да страда. Добро менаџирај го времето и постави приоритети.
- Во ситуациите кога јадев „нездрава“ храна, ниту еднаш не почувствував грижа на совест.
- Биди спремен и на споредни животни промени, јас, на пример, ги откажав цигарите. Live what you preach!
- Немаш обврска да регрутираш вежбачи, но доколку имаш можност макар една личност да инспирираш да почне да вежба – направи го тоа!
- И за крај, верувај ми, телото ќе ти благодари за секоја минута фитнес, и не само тоа – кожата, косата, ноктите, психата, заморот, концентрацијата, ставот и самодовербата ќе ти бидат на врвно ниво.
- Keep going, start today!
Симона Јованоска
