Датум и Време: 27ми јули 2023 – 18:30
Локација: Хаклаб КИКА
Галактик Омнивор или скратено ГО, e здружение за развој на игри. Ние сме група на индивидуи од различни професии, животни искуства и околности сплотени со цел да развиваме игри заедно, преку забава и другарување.
Би ни било задоволство да ве поканиме на оваа работилница за нашите членови и пошироката јавност заинтересирана за развој на игри на уникатен и свеж начин. Ве покануваме во просториите на Хаклаб КИКА. Од 18:30 до 23:00. На оваа работилница ќе сервираме трпеза на која што ќе имате можност да вкусите дел од специјалитетите кои секојдневно ги готвиме за нашите членови на уникатен и вкусен начин.
Мени:
- Предјадење
- Биено сирење – Презентација на Иван Кикерков како, зошто и од каде дојде желбата и потребата за основање на game development community – 30 Минути
- Главно јадење
- Турлитава – Презентација на Иван Кикерков на сите алатки што се потребни за да се основа и води еден модерен game development community – 45 Минути
- Ставање сол во туѓа манџа – Заедничка работилница со сите присутни на разгледување на гореспоменатите алатки и нивната употребливост во реални услови – 45 Минути
- Десерт
- Топлоладно – Проекција на филмот Predictions of Fire – 90 Минути
Во кратки црти ќе ви претставиме еден можен пристап како да ги трансфомирате вашите идеи во готов производ користејќи ја моќта на една заедница за развој на игри. Со тоа знаење можете да бидете еден чекор поблиску до реализација на вашите лични идеи за игри кои отсекогаш сте сакале да ги остварите, но не сте знаеле точно како.
Очекуваме голем дел од од нашите постоечки членови да ја посетат оваа работилница и да споделат дел од нивното искуство во нашата заедницата.
Предуслов за учество:
- Интерес за развој на игри низ соработка со други истомисленици во индустријата
Бројот е ограничен на 20 места. За да учествувате на работилницата потребно е да се регистрирате – тука.
Доколку ве интересира да дознаете повеќе за нас ви стоиме на располагање на нашата веб страна galacticomnivore.com каде можете да го започнете со истражување на нашиот дискорд сервер.
