Ќе биде обезбеден превод на македонски јазик, на вас останува да си обезбедите место за седење со камперски столчиња или некое постаро ќебе за седење на трева. Сите проекции почнуваат во 21 часот, освен проекцијата на 26 јули која ќе започне по полноќ.
Репертоар:
23. јули (вторник) COLD WAR | режија: Pawel Pawlikowski
Режија / Director: Paweł Pawlikowski
Улоги / Cast: Joana Kulig, Tomasz Kot, Agata Kulesza, Borys Szyc, Cèdric Kahn, Jeanne Balibar
Филмот зборува за страсната љубовна приказна помеѓу двајца луѓе, кои поради нивното различно потекло и карактери на прв поглед делуваат неспоиво, но сепак се судбински предодредени еден за друг. Сместен во времето на студената војна во педесеттите години на минатиот век во Полска, Берлин, Југославија и Париз, филмот опишува една невозможна љубов во невозможни времиња.
24. јули (среда) DOGMAN | режија: Matteo Garrone
Режија / Director: Matteo Garrone
Улоги / Cast: Marcello Fonte, Edoardo Pesce, Nunzia Schiano, Adamo Dionisi, Francesco Acquaroli, Alida Baldari Calabria, Gianluca Gobbi, Aniello Arena
Марчело, ситен и нежен професионален грумер на кучиња, ќе се најде вовлечен во опасен однос на потчинетост кон Симоне, поранешен боксер насилник, кој го тероризира целото соседство. Во обид да си го поврати достоинството, Марчело ќе се реши на неочекувано одмазничко дело.
25. јули (четврток) LORO | режија: Paolo Sorrentino
Режија / Director: Paolo Sorentino
Улоги / Cast: Toni Servillo, Elena Sofia Ricci, Riccardo Scamarcio, Kasia Smutniak, Fabrizio Bentivoglio, Euridice Axen
Филм за животот на Силвио Берлускони. Сместен главно во неговата луксузна резиденција на Сардинија, филмот преку делумно фиктивни настани ни ги прикажува личноста на Берлускони, неговата политичка кариера, скандалите, односот со сопругата и неговото двозначно наследство. Насловот „Loro“ на италијански значи „Тие“, но исто така претставува и игра на зборови со l’oro што значи „злато“.
26. јули (петок) ОСЛОБОДУВАЊЕ НА СКОПЈЕ | режија: Данило и Раде Шербеџија
Режија / Director: Rade Šerbedžija, Danilo Šerbedžija
Улоги / Cast: Rade Serbedzija, Mikko Nousiainen, Lucija Serbedzija, Silvija Stojanovska, Nebojsa Glogovac
Втора светска војна. Низ очите на 11 годишниот Зоран ги гледаме страдањата и хоророт на луѓето кои поминуваат низ војната. Додека неговиот татко е партизан кој се бори против германците, неговата мајка, Лица, започнува љубовна афера со германски офицер.
27. јули (сабота) BORDER | режија: Ali Abbasi
Режија / Director: Ali Abbasi
Улоги / Cast: Eva Melander, Eero Milonoff, Jörgen Thorsson, Ann Petrén
Граничарката Тина има неверојатна способност да препознае криумчарење. Еден ден од траектот се симнува сомнителен човек, кој не може да го прочита. Кога нема да успее да дознае што крие, таа се опседнува со него и неговата вознемирувачка аура. Започнува истрага што ќе ѝ открие повеќе од очекувањата: наскоро ќе мора да се соочи со застрашувачката вистина за себеси и човештвото.
