Во описот на изложбата се вели дека делата се со големи димензии во веќе препознатлив силен колорит. Доминираат фантастични битија претставени во делата што поседуваат повисока свест и нѐ водат во други димензии. Претставениот човек е примерок на Аватар, кој покажува човек што љуби, што поттикнува, инспирира, човек ослободен од ниските страсти, човек кој е најдобрата верзија на човештвото.
Брајковска важи за исклучително колоритна сликарка, чии дела пулсираат со оптимизам и детска наивност, иако пристапот е ѝ далеку од наивен. Нејзините слики осцилираат меѓу безгрижноста и чувството на зрелост, оставајќи простор во нив да се провлечат и темите на казна и слобода.
„Magic Man“
“If punk never dies ,how dose it age?“
За најголемо влијание врз нејзиниот уметнички израз, Калина Брајковска го наведува Вангел Наумовски, а освен него и Анри Матис, Андре Дерен, Жорж Брак, Кис ван Донген. Меѓу останатите уметници што извршиле големо влијание врз неа, таа ги наведува и експресионистите, неоекспресионистите доминантни во раните 80-ти години, Ралф Винклер, А.Р.Пенк, Жан Мишел Баскија, Казуо Ширага, Роберт Нава, Траш Холмс. Меѓу останатите македонски уметници, тука се: Никола Мартиновски, Петар Мазев, Чемерски, Горјан Ѓорѓиев, Сергеј Андреевски, Танас Луловски и др.
„Amor“
“I can hear your heartbeat“
Изложбата ќе биде отворена до 16 април.
