Дајна Фрајд ја започнала книгата „Фиктивни јадења“ како серија од пет фотографии во своите студентски денови на Универзитетот за дизајн во Род Ајленд. Постепено комплетирала цела книга која сега претставува извонреден асортиман на фотографски интерпретации на кулинарските моменти од современата и класичната литература.
Претставувајќи ги познатите оброци, вклучително и лудата чајанка од „Алиса од земјата на чудата“, водената каша од „Оливер Твист“, раскошниот пилешки појадок од „Да се убие птицата подбивница“, одвратната салата со авокадо и ракчиња од „Стакленото ѕвоно“ и заводливите колачиња од „Исправки“, овој уникатен збир го прикажува секој сетинг во спој со текстот од книгата што го инспирирал неговото создавање. Оваа шармантна книга е надополнета со интересни факти за храната и забавни анегдоти за писателите и нивните дела, како и за нивните кулинарски афинитети. Сè на сè, одлична закуска за апетитот на книжевните сладокусци и вистинските гурмани 😊
„Алиса во земјата на чудата“ – Луис Карол
„Една љубов на Сван“ – Марсел Пруст
„На пат“ – Џек Керуак
„Оливер Твист“ – Чарлс Дикенс
„Да се убие птицата подбивница“ – Харпер Ли
„Тајната градина“ – Френсис Хоџсон Барнет
„Метаморфоза“ – Франц Кафка
„Големиот Гетсби“ – Френсис Скот Фицџералд
„Девојката со тетоважа на змеј“ – Стиг Ларсон
„Игра во ‘ржта“ – Џ. Д. Селинџер
„Стакленото ѕвоно“ – Силвија Плат
„Моби Дик или китот“ – Херман Мелвил
„Хајди“ – Јохана Шпири
„Конфедерација на дибеци“ – Џон Кенеди Тул
