Од 6 до 16 февруари во Brooklynski Jazz бистро ќе се одржи традиционалниот џез фестивал под работен наслов „Brooklynski – две недели џез“. Оттаму велат дека едвај чекаат да ги исполнат следните две недели од месец февруари со разновидни звуци, музичари, ноти, мезе, убави луѓе и атмосфера. За време на овие две недели, Brooklynski ќе ги отвори вратите за сите љубители на џезот. Како и секоја година, овој уникатен настан може да се пофали со извонредни изведувачи, па така бистрото ќе го посетат реномираните џез музичари: Skopje Jazz Inc, Kabadayas, Filip Dimishkovski Trio, Shamba Jazz Quartet, Shikachi Ensamble, In the mood, Next to silence и Andrea Mirceska Trio. Влезот е слободен, а повеќе за настанот и резервациите можете да дознаете овде.
