PopUp Music ви најавува уште една одлична журка! На охридската плажа Оревче, на 10 август 2018 ќе ви приредиме уникатен 12-часовен денс-настан, на кој за првпат во Македонија доаѓа проектот Muse на италијанските диџеи Lehar и Мusumeci.
Мuse е концепт на журки осмислен од двајцата диџеи, а инспириран од старогрчките музи и директно произлегува од нивната идеја за врвна забава. Целата замисла на Muse е пресликана во една реченица: „Нашата заедничка мисија е на забавите да ги каниме диџеите и продуцентите што нè инспирираат со својот единствен звук и визија за електронската музика“. Затоа, во нивна придружба, на Оревче доаѓаат и Sandrino (Slum over histories), Ison, Aldebaran и Flooder (Multinotes).
Save the date: 10 август, од 18 до 6 часот наутро, на плажа Оревче – Охрид.
