Oд 2 до 4 ноември, Британскиот совет ја организира изложбата на интерактивна уметност PlayUK Arcadia 2018 во МКЦ. На интерактивната дигитална изложба ќе бидат претставени најновите и најголемите достигнувања во полето на ВР и АР инсталации, видео игри, мобилни апликации и друго; работилницата Дневна соба од иднината, чиј домаќин е FACT и ја истражува иднината на радиодифузијата.
Десетина креативци од дигиталните медиуми и експерти од Западен Балкан се поканети да престојуваат во Скопје и да учествуваат во програмата. Во склоп на настанот предвидена е и и дневна музичка програма со диџеи од Западен Балкан и Обединетото кралство. Па така, во петок (02.11) од 19 часот ги слушаме Dejan Dex и BerryQyat, а во 22 часот следуваат сетовите на: Chagall, DJ game Over и DJ Goce Saf. Во сабота (03.11) од 19 часот – Виолета Качакова и Соња Исмаил, а од 22 – Нино Наумов, Oda Haliti и Ben Pearce. За крај, за недела (04.11) во 14 часот се предвидени сетовите на Еми Ермилова и Сашо Узо.
Инаку, PlayUK е платформа на Британски совет за Западен Балкан чија цел е да го поддржи и развие аудио-визуелниот сектор во регионот. Преку воспоставување врски меѓу професионалци од Обединетото кралство и земјите од Западен Балкан, програмата на PlayUK го поддржува преносот на знаење и вештини во областите на виртуелната реалност, аугментираната реалност, визуелните ефекти и анимација, и создава уникатен мост меѓу креативците и ИКТ секторот.
„Дневната соба од иднината“ е интерактивно филмско искуство што ќе биде претставено за време на PlayUK Arcadia 2018 во Скопје.
Ова е истражувачки проект создаден преку проектот Потопени предмети на Советот за уметност и хуманистичко истражување (АХРЦ). Ова дело е соработка меѓу FACT, Би-Би-Си, Универзитетот Ланкастер, Универзитетот Нотингам и Универзитетот Јорк. Дополнителна поддршка дадоа Британскиот совет и истражувачкиот проект PETRAS на EPSRC, Истражувачки центар за кибер безбедност за интернет на работи.
