Скопје ќе има шанса да шизи во МКЦ и да помине еден необично забавен, претпразничен понеделник на настанот „МКЦ шизи“. Музичкиот настан со поддршка на „Златен даб“ носи фантастичен line up, a како главна ѕвезда ни го најавува американскиот диџеј, добитник на Греми награда – Jazzy Jeff, кој се стекна со светска слава преку соработката со Will Smith позната и под името DJ Jazzy Jeff & The Fresh Prince. (Повеќе за него, тука)
Како локална поддршка за Јazzy Jeff, ќе имаме прилика да ги слушнеме: Shorty P, Irie Scratch, Geto Rudi и Druggy, и специјалниот гостин од Хрватска – Dj Phat Phillie. Филип Ивељ или Dj Phat Phillie е исто така светски познат диџеј и еден од основачите на хрватската хип-хоп култура. Тој е и еден од основачите на фамозниот Fresh Island Festival кој се одржува на плажата Зрче од 2012 година. Негови најголеми успеси се диџеј сетот во Њујорк во 2009 со , Tony Touch & DJ Scratch, реализацијата на синглот Koolade feat Masta Ace “Beautiful” и златната плакета за албумот Big L ‘The Big Picture’. Влезниците за „МКЦ Шизи“ се веќе во продажба преку продажната мрежа на МК Тикетс и билетарницата на МКЦ: првите 300 early bird влезници по цена од 350 денари, регуларни влезници по цена од 500 денари и влезници на врата 600 денари.
Се гледаме на „МКЦ Шизи“ во понеделник (22 октомври), во дансинг салата на МКЦ
