15 49.0138 8.38624 arrow 0 arrow 1 4000 1 0 horizontal https://popup.mk 300 true 4000
Урбанизмот e патоказ за тоа како жителите на урбаните области комуницираат со просторот во кој живеат. Проектот „Урбани области, урбанизам“ на Даг Каплан се фокусира на апстрактната природа на човечкото искуство - остатоците од постоењето. Даг Каплан е канадски фотограф од Ленгли, Британска Колумбија, Канада. Неговата работа се фокусира првенствено на архитектурата и на урбаните средини.
За филмските режисерки може да се зборува уште многу долго, но овој текст го заокружуваме со избор од уште три многу актуелни и релевантни режисерки, кои го менуваат текот на филмската историја со својот поглед на свет и синеастичка промисла.
Реалноста во филмскиот свет е далеку од совршената претстава за рамноправна застапеност на половите, како и за еднаков поглед на машката и на женската перспектива во седмата уметност. Низ историјата на филмот, проблесоците на женскиот режисерски гениј никако не треба да бидат занемарени бидејќи пристапот во правењето филмови ја нуди толку посакуваната сензибилност и убавина, каква што ретко може да ни биде понудена од машите режисери. Во оваа серија текстови опфаќаме неколку женски имиња што оставија неизбришливи синеастички траги.
Aлександра Ристовска е дипломиран графичар со графички дизајн на Факултетот за ликовни уметности во Скопје. Уметноста отсекогаш била присутна во нејзиното секојдневие, во секоја од нејзините форми: музиката, литературата или ликовната уметност.
„Fake Famous“ (Лажна слава) е документиран филм на HBO по сценарио и режија на Ник Билтон, познат новинар што во текот на својата кариера ги глорифицирал социјалните мрежи и новиот начин на комуникација. Во овој документарец, сега тој ја разоткрива негативната страна на технолошката утопија и заедно со својот тим прави аудиција на тројца потенцијални инстаграм-инфлуенсери со едно едноставно прашање: „Дали сакате да сте славни?“.
Леди Пинк или Сандра Фабара е еквадорско-американска графити артистка и муралистка. Нејзината кариера има временски распон од 30-ина години, со стотици нацртани платна и ѕидови, а нејзиниот поглед кон уметноста е експанзивен, но и приземјен со тешката реалност.
Времето без забави, концерти, рејв, не помина без искушувачки твистови во музичките кариери на многу изведувачи. За некои од нив, изолацијата и стагнацијата беа поттик наместо извор на очај. Барем за електронската сцена, 2020-та, а по сè изгледа и 2021 година, остануваат возбудливи, бидејќи токму оттаму произлегоа звуци што ни помогнаа за кратко да побегнеме од хаосот и од несигурноста што го обележаа овој период. Ова се само мал дел од возбудливите изданија што ни беа понудени неодамна.
Од печат излезе новото издание на PrivatePrint, „Folded“ од Зоран Шекеров. Folded е документарна фотографска книга на Зоран Шекеров во издание на PrivatePrint. Книгата ја истражува и претставува пеливанската боречка традиција од автентичен и современ агол. Стилот на Шекеров, особено видлив низ фотографиите, е луциден и непредвидлив, и ги носи гледачите поблиску до темата на истражување, таму каде што никогаш не очекувале да бидат.
Збирката раскази „Највисокото дно“ на авторката Марија Митева ми дојде како мелем на рана во овие денови на ограничено движење и скратена слобода, кога сите си бараме причина да го прогласиме ова што ни се случува за некаков вид симулакрум или бледа имитација на стварноста.