15 49.0138 8.38624 arrow 0 arrow 1 4000 1 0 horizontal https://popup.mk 300 true 4000
Во времето кога Eгон Шиле живеел и работел во Виена (1890-1918), овој град бил интелектуалната и уметничка престолнина на Европа. Шиле бил ученик на Густав Климт и зачетник на експресионизмот. Имал бурен боемски живот, бил затворан, имал многубројни љубовни афери и умрел млад. Долго време неговите дела биле отфрлани како порнографски, невкусни, екстремно сексуални, а имено, дури и на автопортретите тој самиот се слика целосно гол.
Минисеријата „Unorthodox“ се базира на автобиографскиот роман со ист наслов на авторката Дебора Фелдман, во кој таа ја раскажува својата приказна за ослободувањето од ортодоксната религиозна заедница на сатмарските хасидски Евреи, кои живеат според стриктни ритуали и закони.
Големиот ирски писател Оскар Вајлд рекол дека секој портрет направен со чувство, е портрет на уметникот, а не на субјектот. Субјектот е просто случајност и можност, во портретот не го откриваме него, туку го откриваме уметникот.
Оваа фотографска серија на Гери Шеридан го естетизира вистинскиот лик на комерцијализираната фантазија, потрагата по совршеноста што ни ја продаваат, животните стилови и поседувањето.
Пролетта 2010 година, Питер Габриел ја започнува турнејата ‘New Blood’, со концерти во Европа и Северна Америка. Наесен го прави концертот во римскиот амфитеатар во Верона, кој датира од првиот век. Концертот од 26 септември 2010 го снимила Ана Габриел, а материјалот е основа за два филма: ‘Scratch My Back’ и ‘Taking The Pulse – Live in Verona’.
Исландскиот класичен пијанист Викингур Олафсон има изградено импресивна интернационална кариера и како резултат на тоа, тој е ангажиран како солист од врвни оркестри и концертни сали ширум светот, а неговите изданија се објавувани од реномираната издавачка куќа Дојче Грамофон. Тоа со што импресионира Олафсон е неговата брилијантност, проекција и точност како и импресивниот опсег и нијансите кои ги постигнува на  пијаното.
Акира Куросава е познат и како император на јапонскиот филм. Тој е пионер во светската кинематографија поради разновидните техники што ќе ги воведе за првпат како еден од најважните и најимпресивни режисери во историјата на филмот.
Кога ги разгледувате илустрациите на Кристина Карапеоска, всушност го гледате животот, таков каков што е, незапирлив, хистеричен, гротескно убав, разновиден, непостојан и шарен. Една од одликите на вистинските уметници е занимавањето со уметност уште пред да знаат дека ја создаваат.