15 49.0138 8.38624 arrow 0 arrow 1 4000 1 0 horizontal https://popup.mk 300 true 4000
Таткото Дејан (С. Коцев) нетрпеливо чека во редица да ја продолжи регистрацијата на своето возило. За жал, административната службеничка го известува дека не е во можност да ја заврши процедурата поради недостаток на налепници, но го уверува дека полицијата е информирана за ситуацијата.
Во срцето на Њујорк, бракот на театарскиот режисер Чарли (А. Драјвер) и актерката Никол (С. Јохансон) е пред колапс. Тие чувствуваат дека се наѕира епилогот на љубовната одисеја, но веруваат дека може мирно да го спуштат платното над нивната разделба.
На улиците низ Алжир демнее опасност, жителите во ек на граѓанската војна се соочуваат со рестрикции за ограничено движење, но бунтовничката Неџма (Л. Кудри) не дозволува тоа да влијае врз нејзиниот социјален живот. Таа живее во очајни услови при студентскиот дом и ја негува својата пасија кон модата, сè додека радикалните исламисти не го зголемат притисокот врз жените за „обврската“ да го покријат телото и да носат хиџаб...
Убавата Леа (Д. Попоска) е млада девојка на која ѝ е дијагностицирана животозагрозувачка болест и лекарите ѝ предвидуваат уште само неколку месеци живот. Семејството на Леа тоне во агонија по црните вести, а таа одбива да се помири со фактот дека ги живее последните денови и со позитивни мисли се насочува кон активностите што ја прават среќна...
(Текстот содржи спојлери.) Доживувањето на секоја уметничка форма е длабоко лично. Толкувањето на симболите во неа, исто така. Не постои друг начин, освен впивање на уметноста преку сопствените искуства, впрочем, сетилата се толку богати, или толку сиромашни, колку што ти им допушташ допир, изложеност и контакт со најразновидни дразби, глетки, звуци и светови.
Годините немаат значење кога сте родени на локација каде што за да преживеете, неопходно е да станете возрасна личност порано од предвиденото... На тесните улици низ Неапол дивеат наоружани малолетници на мотоцикли.
Градот на ангелите, најубавите зајдисонца и златните 60-ти години на Холивуд од минатиот век се доволни да ве вовлечат низ портите на заразниот свет што повторно ќе сакате да го посетите, исполнет со забава, хумор и музика што сама ви ги движи колковите!
Како безболно да го напуштиш родниот крај и родителите кои ги граделе темелите на твоето домашно воспитување и оформување како личност врз постулатот дека семејството секогаш треба да биде заедно на едно место?
Во понеделникот ја гледавме осмата и последна епизода од првата сезона на тин-серијата што ја шокираше конзервативна Америка. Во неколку точки кажуваме зошто ни се допадна ова телевизиско колаче во кое како продуцент (меѓу другите) се јавува и Дрејк, а е работена по сценарио на Бери Левинсон.